Heta niha 22 partiyên siyasî, 2 hevpeymanî û zêdetirî 72 namzedan navê xwe tomar kirine.

Berdevkê Tevgera Îslamî ya Kurdistanê Ebdullah Wertî di daxuyaniyekê de ragihand: “Ji bo diyarkirina roja hilbijartinan heta niha bi me re hevdîtin nehatiye kirin. “Me li herêmên Hewlêr, Silêmanî û Helebce navên xwe tomar kirin û lîsteyên xwe yên namzetan radestî komîsyonê kirin.” got.

Berpirsê Ofîsa Hewlêrê ya Komisyona Bilind a Serbixwe ya Hilbijartinan a Iraqê Merwan Mihemed ragihand, hemû amadekariyên hilbijartinên Parlamentoya Kurdistanê bi awayekî asayî berdewam dikin û ew pêşbînî dikin ku roja hilbijartinan ji aliyê Serokatiya Herêma Kurdistanê ve were diyarkirin.