Berdevk Şehab li ser pirseke derbarê hilbijartinên Parlamentoya Kurdistanê de got, "Li bendê ye ku di rojên pêş de komîsyon ji bo nirxandina bernameya hilbijartinê bicive û em li benda pêngava wan in. "Komîsyon dema ku berê diyar kiribû ji xwe re esas digire, lê ger hilbijartin di wê tarîxê de neyê kirin, divê me agahdar bike."

Ji aliyê din ve Berdevkê Komîsyona Bilind a Serbixwe ya Hilbijartinan a Iraqê Cumane Gelayî ragihand ku nepêkane hilbijartin di 10ê Hezîranê de bên kirin, lewma ji bo diyarkirina roja nû dê nameyek fermî ji Serokatiya Herêma Kurdistanê re bişînin.

Gelayî got, “Biryarên Dadgeha Bilind a Federal û Lijneya Dadwerî ya Hilbijartinan bandor li salnameya hilbijartinê ya komîsyonê kir ku biryar e di 10ê Hezîrana 2024an de were lidarxistin. “Di vê dîrokê de ne pêkan e ku hilbijartin bên kirin.

Ji aliyê din ve Parlamentoya Iraqê duh biryara dirêjkirina dema erka Komîsyona Bilind a Serbixwe ya Hilbijartinan 6 mehên din da.

Gelayî got, “Emrê komîsyonê heta serê sala 2025’an 6 mehên din hat dirêjkirin. Herwaha got, komîsyon neçar e hilbijartinên Parlamentoya Kurdistanê li gorî pîvanên navdewletî birêve bibe.