Dikandarên Agirîyê ji banga Yekîtîya Alimên Misilman re bersiv dan û bi girtina dikanên xwe destekê dan.

Hinek welatên Îslamî jî ji vê grevê re destekê dan û di sazîyên xwe yên raya giştî de tetîlê îlan kirin.

Dikandarên Agirîyê jî dikanên xwe girtin û ji camên dikanên xwe re nivîsên ‘Dikana me ji ber boyqota ku di 11ê Kanûnê de ji bo Xezze û Mescîdî Eqsayê tê kirin girtîye’

Bunyamîn Aslan ku dikana xwe girtibû û nivîsê li ser daleqandibû weha axivî, “Me xwest ku ji bûyerên li Fîlîstînê re bertekekî me hebe. Zilmekî di ortê de heye û me jî li hember vê zilmê dikanên xwe girt. Û em vê xessasîyetê ji hemû heval û dostên xwe hêvî dikin. Di ortê de zilmekî heye û em mecbur in ku ji vê zilmê re bibêjin êdî bes e.”

Muhammed Enesê dikandar jî derheqê grevê de axivî û weha got:

“Îro bi giştî me hemû dikanên xwe girtîye, danûstandina xwe daye sekinandin. Niha li Xezzeyê zilmekî heye û em dixwazin ku zilma li Fîlîstînê heye ji dinyayê re bidin hesandin. Me bi ferdî vê tiştê kir lê divê di alîyê dewletê de ev tişt bê firekirin. Divê sazî û sazîyên raya giştî di vî warî de bihessas bin.” (ÎLKHA)