Di hevdîtina ku hat kirin de xortekî derheqê HUDA PARê de got “HUDA PAR bi rêxistineke terorê tê bîranîn. Ji ber ku hûn pêwendîya HDP û PKKê tînin zimên hûn Tifaqa Millet rexne dikin. Hûn derheqê hevkarîya AK Partî û HUDA PARê de çi difikirin?”

Erdogan ev pirsa ku jê hat kirin wisa bersivand:

“Ti eleqeya HUDA PARê bi vê rêxistina terorê tune ye. Ger tiştekî wisa hebana ne mimkûn bû ku em bi hev re hevkarî bikin.”

“HUDA PAR him mîllî û him jî xwemalî ye”

Erdogan di berdewama nirxandina xwe de destnîşan kir, ew dixwazin di warê siyasîbûna welatîyên Kurd de ew dixwazin bi HUDA PARê re bimeşin û dû re wiha li nirxandina xwe zêde kir: “Ew him mîllî û him jî xwemalî ye û ji welatê xwe hez dike. Ti kes nikare rabe di vî warî de HUDA PAR û HDPê bi hev re muqayese bike. Ew dibêjin ti eleqeya me bi tuneye. HDP a niha bi israr radibe HUDA PARê wisa diwesfîne. Em nikarin ji ber zextên HDPê vê yekê qebûl bikin. Ev tiştên ku derheqê HUDA PARê de tê gotin ne rast in û ew hewl dide sîyasî bibe. Ew a niha di van hilbijartinan de bi logoyên xwe dikevin hilbijartinan. Ew dixwazin têketvin meclîsê û dengê xwe bidin sehkirin. Rewşa HUDA PARê ev e. Ne mimkûn e em wan gotinên ku derheqê HUDA PARê de tên gotin qebûl bikin.”(ÎLKHA)