Komela Evînê a Batmanê, bi beyanatek medyayî, yesaxa tesetturê protesto kir. Serekê komelê Mehmet Elî Ortaç û wezîfedarên komelê, di heyama xwendina beyanatê de amade bûn.

Xwendina beyanatê, ji teref sekreterê giştî yê komelê Omer Kurul ve hat xwendin. Omer Kurul wiha beyan kir “Bi vê tetbîqatê, çiqas mexdûriyet û mehrûmiyet qewimîne. Goya wê hikûmeta AKPê, ji van mexdûriyet û perîşaniyetan re biba hêvî û çare. Lê mixabin bi rêziknama kinc û qilafetê, hikumeta AKPê jî, bûye barê li ser baran, derdê li ser derdan.”

Kurul xeberdana xwe wiha dewam kir “Meseleke din jî, perwerdehiya têkel e ku, qîz û xort di nav hev de dixwînin. Nexasim bi teşwîka rêzefîlmên televîzyonê, di mekteban de di nava qîz û xortan de, têkiliyên xerab diqewimin. Van xerabiyan ketiye dibistanên pêşîn jî. Ne Xweda ne jî musluman, ji van xerabiyan ne razîne. Divê tesettur li her derê serbest be, û dev ji tehsîla têkel bê berdan.” (Bangaheq)