Şahîn detsnîşan kir ku ew di 81 bajarên Tirkîyeyê de dikevin hilbijartinê û ew bi nav û logoyê xwe beşdarî dibin.

Şahîn, diyar kir ew ê ji bona “Şaredartîya Dirûst û Xizmeta Rastîn” di pûsûlaya dengdayînê ya 81 bajaran de logoya HUDA PARê hebe, “Gelê me yê ezîz! Serokê me yê Giştî Birêz Zekerîya Yapicioglu daxuyandibû ku em ê ji hilbijartinê mehellî re wê di 81 bajaran de bi nav û logoyên xwe bikevinê. Di vê çarçoveyê de Navenda me ya Giştî xebatên xwe kirin û namzedên xwe eşkere kirin. Ji teref partîya me ve di 5 bajarên cuda de civîn hatin lidarxistin. Bi tevahî me namzedên 26 şaredarîyên mezin, 51 bajaran û 702 navçeyan daxuyand. Berîya vêya jî me biryar girtibû ku em ê li Stenbol, Enqere, Îzmîr û Bûrsayê namzedên Serokê Şaredarîya Mezin nîşan nedin. Encax di 30 navçeyên Stenbolê, 25 navçeyên Enqereyê, 30 navçeyên Îzmîrê û 17 navçeyên Bûrsayê de namzedan nîşan da. yanê em cardin dibêjin ku em ê di hemû navçeyên van bajarên mezin de jî bi nav û logoyên xwe bikevin hilbijartinê.”

“Ew ê welatîyên me di 81 bajarên Tirkîyeyê de nav û logoya HUDA PARê bibînin, ew ê tercîhên xwe jî li alîyê HUDA PARê ve bikin.”

Şahîn di dewama daxuyanîya xwe de weha got:

“Welatîyên me yên biqîmet! Namzedên ku ji teref partîyên me hatine îlankirin di dîroka 19ê Sibatê de jî Sazîya Hilbijartina navçe û bajaran re hatine teslîmkirin. Ewê namzedên ku HUDA PARê eşkere kirîye şaredartîyekî di çarçoveya xizmet, exlaq û dirûst de nîşanê welat bide. Em ji welatîyên xwe yên li hêvîya sîyasetekî ewakî ne re dibêjin raya xwe vê carê bidin HUDA PARê ku qadroyên wan layiq û zana ne.” (ÎLKHA)