Li Rûsyayê nêzî 500 xebatkarên tenduristîyê ji ber Covid-19 mirin
Hat ragihandin li Rûsyayê nêzî 500 xebatkarên tenduristîyê ji ber Coronavîrusê canê xwe ji dest dan.
Serokê Ajansa Çavdêrîya Tibbî ya Fedaral a Rûsyayê Alla Samoilova derbarê mijarê de daxuyanîyek belav kir.
Samoilova di daxuyanîya xwe ya ku belav kir de derbarê mijarê de destnîşan kir 489 xebatkarên tenduristîyê di pêvajoya Coronavîrsê de ji ber vîrusê canê xwe ji dest dan.
Lê belê li gorî îddîayan ev hejmara fermî ne rast e û hejmara xebatkarên tenduristîyê yên ku ji ber vîrusê canê xwe ji dest dane zêdetir e.
Li Rûsyayê heta niha bi 561 hezar û 91 kes bi vîrusê ketin û 7 hezar û 660 kes jî mirin.
ÎLKHA
Türkçe karakter kullanılmayan ve büyük harflerle yazılmış yorumlar onaylanmamaktadır.