Li gorî agahîyên ku hatine bidestxistin, doh di seatên êvarê de li Kolana Tulumbaya Taxa Asmayê ji ber barînê hêlan pêk hat.

Xanîyekî yek qatî jî di encama hêlan û gêrbûna zinaran de xera bû. Li ser xeberdayînê ji herêmê re ekîbên AFAD, îtfaîye, cenderme û tenduristîyê hatin sewqkirin.

Ekîban, ji bo dayîk û kurê wê ku di nav xanîyê de bûn xelas bikin xebat dan destpêkirin lê di dema xebatê de hêlanekî duyemîn pêk hat. Ji ekîbê 2 jê giran 21 kes birîndar bûn. Mirovên birîndar ji nexweşxaneyê re hatin rakirin.

Alîkarê Wezîrê Karên Hindir Munîr Karaloglu, derheqê hêlanê de daxuyanîyekî da. Karaloglu, diyar kir ku ji ber hêlanê xanîyekî yek qatî xera bû û perîhan Çakarê 82 salî û kurê wê Saît Çakarê 51 salî di bin axê de man.

Karaloglu, destnîşan kir ku ji ber ku rîsk heye ji xebatan re navber hat dayîn. Karaloglu, îfade kir ku li herêmê 14 xanî yên ku di bin talûkeyê de ne hatin tehlîyekirin. (ÎLKHA)