![Nûnerên STKyan: Pêşnûmeya ku ji teref HUDA PARê ve pêşkêşî meclîsê hat kirin divê di zûtirîn demê de bibe qanûn](https://www.cinarinsesi.com/d/news/315298.jpg)
Nûnerên STKyan: Pêşnûmeya ku ji teref HUDA PARê ve pêşkêşî meclîsê hat kirin divê di zûtirîn demê de bibe qanûn
Nûnerên rêxistinên sivîl bang li parlementeran kirin ku divê pêşnûmeya ku der barê sîyonîstên jenosîda ku hemwelatiyên Tirkiyeyê ne HUDA PARê pêşkêşî Meclîsê kir, beriya ku meclis bikeve betlaneyê bê tetbîqkirin.
Li Xezzeyê ev 9 meh in qirkirina li dijî gelê bêparastin dewam dike, pêşnûmeya ku ji teref parlementerên HUDA PARê ve derbarê sîyonîstên hemwelatiyên tirk ên ku tev li jenosîdê bûne hat amadekirin, tê payîn ku hefteya bê pêşkêşî Meclîsê bê kirin.
Nûnerên saziyên sivîl diyar kirin ku ev pêşnûme ji aliyê naverokê ve ji îdeolojiyê wêdetir e û berpirsyariya dîrokî li ser hemû endamên meclîsê ferz dike, nûnerên rêxistinên sivîl tekez kirin ku divê parlamenter di zûtirîn dem de piştgiriyê bidin pêşnûmeqanûnê û tevkariyê li pêkanîna wê bikin.
Nûnerê ÎHHê yê Agiriyê Kerem Engîn, diyar kir ku komkujiyeke ku di sedsala dawî de nehatiye dîtin pêk hatiye û diyar kir ku pêşnûmeya ku pêşkêşî meclîsê hatiye kirin di vê wateyê de girîng e.
“Xwedê ji her kesên ku di vê xebatê de keda wan heye razî be”
Engînê ku digot bi rastî divê em gavên berbiçav bavêjin axaftina xwe wiha domand:
“Ji 7ê Cotmeha 2023an û vir ve hemû cîhan bi hev re di weşana zindî de li qirkirinê temaşe dike. Mixabin di nava vê de Teşkîlata Hevkariya Îslamê û alema Îslamê jî heye. Mixabin em bi hovîtî û barbariyeke pir giran re rû bi rû ne, belkî jî dîroka nêzîk, heta sedsala borî jî, nebûye şahid. Di vê wateyê de HUDA PARê ev pêşnûmeya ku wê bibe gavek pir şênber li meclîsê anî rojevê, herî kêm ji bo me rehetiyek bû. Ger tu bipirsî çima wisa ye, Hz. Muhemmed eleyhîsselam dibêje ku, "Dema ku hûn xerabiyekê bibînin, wê bi destên xwe rast bikin, heke hûn nekarin wê bi zimanê xwe rast bikin, heke hûn nikarin bikin, bi dilê xwe nefret bikin.” Ev kareke e ku bi rastî tê wateya rastkirina wê bi destên me. Di vî warî de divê ev pêşniyar bibe qanûn. Min li ser vê yekê di gotareke xwe de bang li parlamenterên me yên Agiriyê û hemû parlamenteran kir.”
Serokê Komeleya Evîndarên Pêxember a Agiriyê Suat Çelîk, destnîşan kir ku ji bo pêşnûmeya qanûnê were erêkirin divê bi lezgînî tevbigerin.
Çelîk got, “Di serî de ez spasiya HUDA PARê dikim ku pêşnûmeyek wiha pêşkêşî meclîsê kir. Dîsa spasiya parlementerên partiyên din dikim ku di civîna destpêkê de deng dan û ev yek qebûl kirin. Siyonîstên Barbar 9 meh in li Xezzeyê bi hezaran zarok û birayên me qetil dikin. Pêşnûmeyeke bi vî rengî ya ku wê rê li ber darizandina van kesên ku welatiyên Tirkiyeyê bûn û çûne îsraîlê û beşdarî komkujiyê bûne li Tirkiyeyê veke, bi rastî gelekî girîng e. Nûnerên me û parlementoya Tirkiyeyê xwedî berpirsiyariyeke girîng û dîrokî ne. Beriya ku parlamento bikeve betlaneyê divê derkirina vê yasayê li parlamentoyê bê nîqaşkirin.” (ÎLKHA)
Türkçe karakter kullanılmayan ve büyük harflerle yazılmış yorumlar onaylanmamaktadır.