Berdevkê Wezareta Tenduristî ya Xezzeyê Doxtor Xelîl ed-Dekran, derheqê êrîşên rejîma îşxalker ku ji 7ê Cotmehê vir ve daye destpêkirin de agahîyan da.

Doxtor Dekran destnîşan kir ku rejîma sîyonîst a îşxalker xizmetên tenduristîyê hedef girtîye, îşxalkeran li Xezzeyê 138 pîrek û zilam hemşîreyan qetil kirîye.

Doxtor weha got, “Xelkê Filistînê dûçarê qirkirinekî wisa bûye ku ji 40 hezarî zêdetir şehîd û windayên wî hene, ji 70ê hezarî zêdetir birîndarên wî hene, xelk bi birçîbûnî, îmhekirin, girtin û qetlîama kîtleyî dûçarê herbê dibin.”

Ji teref doxtor ve hat destnîşankirin ku rejîma îşxalker 500 xebatkarên tenduristîyê şehîd kirine, 1500ê wan birîndar kirine û 312 ji wan jî desteserkirine.

Hat ragihandin ku îşxalkeran ji 7ê Cotmehê vir ve 33 nexweşxane, 53 navendên tenduristîyê, 133 ambûlansan îmhe kirîye. (ÎLKHA)