Hat ragihandin Evo Moralesê Serokê Dewleta Bolîvyayê ji ber xwepêşanên ku li welêt berdewam dikin ji wezîfa xwe îstîfa kir.

Morales derbarê mijarê de daxuyanîyek belav kir. Morales di daxuyanîya ku da de destnîşan kir, ji ber ku Williams Kalimanê Serokê Sererkanîyê jê xwestiye îstîfa bike ew jî ji bo tesîskirina aştîyê ya li welêt dev ji wezîfeya xwe ya serokatîyê berdaye. Morales di daxuyanîya xwe ya ku di televîzyonê de da bang li xwepêşandêran kir û wiha got: “Êdî dev ji wan êrîşên ku hûn dibin li ser birayên xwe û şewitandin û talanê berdin.”

Morales di berdewama daxuyanîya xwe de diyar kir, êrîş li mala wî hatiye kirin û derheqê wî de qerara binçavkirinê hatiye dayîn û dû re wiha li daxuyanîya xwe zêde kir: “Ew ê li welêt ji nû ve hilbijartin bê kirin.”

ÎLKHA