Serokê Giştî yê HUDA PARê Zekerîya Yapicioglu, bi minasebeta hilbijartinê zîyaretên xwe yên li bajaran zêde kirîye û didomîne.

Yapicioglu ku bi hilbijêran re tê cem hev û derheqê rewşa hilbijartinê de diaxive, ji namzedên serokê şaredarîya partîya xwe re destekê dixwaze.

Yapicioglu, ew ê vê hefteyê li Êlihê ji bo Serkan Ramanli destekê bixwaze.

Remanli: Êlih ew ê bi hemû rengê xwe di mîtînga me de be

Serkan Ramanli derheqê mîtîngê de agahî da û hemû welatîyan bangê mîtîngê kir:

“Xelkê Êlihê yê biqîmet, hêdî hêdî em dighêjin kampanyaya xwe ya dawîn a hilbijartinê. Em ê di roja Yekşemê de di seat 14.00an de li Taxa Çandê bin. Em ê li wê derê mîtîngek li dar bixin. Ez hemû xelkê me dawetî mîtînga xwe dikim. Bi îzna Xwedê ew ê hemû Êlih bi rengê xwe di mîtînga me de be. Werin em bi hev re rengê xwe, tercîha xwe ji hemû Êlih û Tirkîyeyê re nîşan bidin. Ez we hemûyan dawetî mîtînga xwe dikim.” (ÎLKHA)