Narîn Gunar di 21ê Tebaxê seat 15.15an de li gundê Tawşantepeyê winda bûbû û xebatên lêgerînê hêj berdewam dikin.
Fermandarê Cendermeya Bajêr Tûmgeneral Selçuk Yildirim derheqê xebatan de agahîyan da û got, “Pir hindik maye ku em meseleyê çareser bikin.”
Yildirim di daxuyanîya ku da de îfade kir ku; ji Fermandarîya Cenderme ya Bajêr hezar û 30, ji AFADê 240, ji Midurtîya Ewlehî ya Bajêr 54, ji Îtfaîyeyê 25, ji Midurtîya Tenduristî ya Bajêr 48, Ji Şaredarîyên Navçe û Bajara Mezin 53, Zanîngeha Dîcleyê 80, Ji Dildarî jî 180 kes bi temamî ji 7 sazîyan hezar û 710 endam beşdarî xebatên lêgerînê bûne.
Yildirim îfade kir ku ji xebatên lêgerînê re; 9 kuçik, 115 wesayît, 2 helîkopter, 48 drone 55 kîlometrekare hatîye lêgerînkirin û lêgerîn didome, Yildirim îfade kir ku Tîma Xelaskirin Lêgerîn a Binê Avê ya Cendermeyê, ji Ekîbên Binê avê ya AFAD û Zanîngeha Dîcleyê tev de 24 personel di nav 5 newal, 3 lîç, 18 bîrên avê û 24 km qenala avê de xebatên lêgerînê kirine.
Hat îfadekirin ku 12 hezar û 565 wesayît û 32 hezar û 952 şexis hatine pirsyarîkirin, 44 jê li herêma cendermeyê 3 jî herêma polêsan di nav 47 xanî û 22 avahîyên xerabe de lêgerîn hatîye kirin.
Fermandarê Cendermeya Bajêr Yildirim destnîşan kir ku 16 nuqteya PTSyê û 78 qemera hatine nihêrtin, 8 jê şikdar 58 jê şahid tev de îfadeya 66 kesan hatîye girtin û yek kes jî hatîye binçavkirin. (ÎLKHA)