Ji bo sekinandina êrîşên rejîma sîyonîst a li ser Xezzeyê li Qahîreya paytexta Misirê hevdîtinên agirbestê berdewam dikin.
Li gorî çavkanîyên herêmê ji bona ku agirbest temam bibe divê rejîma îşxalker ji bakurê Xezzeyê vekişe û şênîyên herêmê jî ji malên xwe re vegerin.
Yek ji rayedarên HAMASê Samî Ebu Zuhrî ji bo agirbestê 3 şertan pêşkêşî kir.
Ebu Zuhrî weha got, “Temamî êrîşên li dijî axên Xezzeyê bêne sekinandin, artêşa îşxalê vekişe û însanên ku ji cîhê xwe bûne divê ji malên xwe re vegerin.”
Ebu Zuhrî destnîşan kir ku rejîma sîyonîst “Ji hemû şert û mercan direve” dûre weha got, “HAMAS, ji bo agirbestê tu astengîyekî dernexist. Daxwazîya me sekinandina qetlîamê û ji bo xelkê xwe jî tesîskirina ewlehîyê ye.”
Ebu Zuhîr diyar kir ku rejîma sîyonîst dixwaze herbê bidomîne û dûre hemû kesan îmhe bike. (ÎLKHA)