Di qirkirina ku di 16ê Adara 1988an de ji teref Baasvan Seddam Huseyîn ve li dijî xelkê Kurd hatibû lidarxistin de 5 hezar însan hatin qetilkirin. Digel derbasbûna 36 salan ev qetlîam nehat jibîrkirin.
HUDA PARê bal kişand qirkirina ku li Helebceyê hatîye kirin îro li Xezzeyê li dijî xelkê Misilman tê kirin, diyar kirin ku ew ê vê qetlîama ku hatîye kirin jibîrva nekin.
Di daxuyanîyê de weha hat gotin:
“Qetlîama Helebceyê tenê navê yek ji qetlîam û qirkirinên ku li dijî Kurdên Misilman têne kirin yek e.
Yên ku di 1988an de li Helebceyê pêk hatibû wek qetlîam û qirkirina ku îro li Xezzeyê tê kirin bû. Çiqas jî qetlîam bi destê Seddam Huseyîn hatibe kirin jî esil faîlê vê bûyerê Emrîqa û Ewrupaya ku xwedîyê çekê kîmyasal in.
Ji ser ev qetlîam û qirkirina ku li dijî xelkê Kurdê Misilman hatîye kirin 36 sal derbas bûn. Me Qetlîama Helebceyê ku 5 hezar xûşk û birayên me yên Kurdên Misilman hatibûn şehîdkirin bîrva nekir û em ê bîrva jî nekin.
Em şehîdên xwe yên Helebceyê bi rehmet yad dikin.” (ÎLKHA)