Di daxuyaniya nivîskî ya ku ji teref Fermandariya Operasyonên Hevbeş a Wezareta Parastinê ya Mîrektiyên Yekbûyî yên Erebî ve hat dayîn de weha hat gotin: "Konvoya alîkariyê ya Îmaratê ku ji 17 kamyonan pêk tê, cara ewil bi rêya bejahî gihîşt bakurê Xezzeyê. Karwanê ku zêdeyî 370 ton alîkariyên mirovî ji xwarin, pêdiviyên bijîşkî û cil û bergan û herwiha û amûrên pêwîst ji bo penaberan hene."
Di daxuyaniyê de hat diyarkirin ku cara ewil alîkariyên însanî bi rêya bejahî derbasî bakurê Xezzeyê bûn û herwiha hat destnîşankirin ku Îmarat bi hevkariya Hêzên Hewayî yên Misrê alîkariyên esmanî avêtin herêmên bakurê Xezzeyê.
Hat diyarkirin ku 85 ton malzemeyên alîkariyê yên însanî yên ku ji aliyê 5 balafiran ve ber bi erda vala ya li bakurê Xezzeyê ve hatin avêtin de xwarin, cil û bergên cejnê, pêlav, pêlîstok, şîrînî û berhemên curbecur hene. (ÎLKHA)