Li Hewlêra Herêma Kurdistanê di Bazara Lengê de şewat derket.
Şewat di seat 06.45an de derket û ji teref ekîban ve di demeke kurt de hat tefandin.
Hat destnîşankirin nêzê seatek piştî tefandinê îxbarekî dinê jî hat ku cardin bazar dişewite.
Piştî îxbara duyemîn ji bazarê re serê ewil 3, dûre 10 û ji ber ku şewat belav bû û mezin bû 17 ekîb hatin şandin.
Şewata ku bi seatan berdewam kir, piştî midexeleyekî mezin hat binkontrolê.
Midûrtîya Parastina Sîvîl yê Hewlêrê, ragihand ku şewat di 5 kûçeyên bazarê de tesîrdar bû û di gelek dikanan de xesar pêk hat.
Derheqê sedema derketina şewatê de hêj tu agahîyekî zelal nehat bidestxistin, hat desntîşankirin ku berê jî di vê bazarê de şewat derketibû û tê gotin ku ev şewat “bi qestî” hatîye derxistin.
Di şewata ku di meha Sibatê de derketibû de jî herî kêm 1000 dikan zerarê dîtibûn.
Hat ragihandin di sala 2018an de jî di Bazara Lengê de şewat derketibû û gelek dikan zerarê dîtibûn.
Li Herêma Kurdistanê ji ber kêmasîya binesazîya ceryanê dem bi dem şewatên mezin derdikevin. (ÎLKHA)