Qîzika bi navê Ranya Ahmed El-Nesar ya 26 salî ku bi tevî bavê xwe dixwest ku derbasê Ewrupayê bibe qfilî û canê xwe ji dest da.
Li ser sînorê navbera Polanda û Belarusyayê, bavekî Sûrî li kêleka ceseda qîza xwe rûniştiye û bi ser de digirî.
Bavekî Sûrî li kêleka ceseda qîza xwe rûniştiye û bi kelegirî bi ser de digirî. Dîmenên derheqê bûyerê de di roja 30ê Kanûna 2022an de li ser medyayên civakî hatine belavkirin.
Bav û qîza xwe xwestine ku herin Ewropayê, lê di rê de qîza wî dimire, ew jî bi neçarî li kêleka ceseda wê rûdine û bi ser de digirî û dibêje, “Weleh ez ji bo te hatim, te jî min tenê hêşt û çûyî.”
Qîz û bavê xwe ji Sûrî koçê Urdunê bûbûn, ji wir jî derbasê Belarusyayê bûne û ji wê derê jî bi qaçaxî berê xwe dabûn Polandayê.
Hatiye îdiakirin ku polîsên Polandayê li ser sînor alîkariya wan koçberên Sûrî yên perîşan nekirine û ew siwarî erebeyê nekirine û nebirine nexweşxaneyê, di encama bûyerê de qîzik ji serma û seqemê canê xwe ji dest daye. (ÎLKHA)