“Di Enfalê de zêdetirê 182 hezar welatî komkuj û zîndî binçal kirin”
Barzanî di berdewama peyama xwe de destnîşan kir, îro 14ê nîsanê bîranîna sîh û sê saliya tawanên enfalan dikîn ku yek ji dirindetirîn tawanên rejîma berê yê Iraqê ye û dû re wiha got: “Bê cûdahî sedan hezar jin, zilam, zarok û pîrên bêgunehên Kurdistanê rapêçî çol û biyabanên bê rêûbaniyên mirina bi kom kirin û bêbakane zêdetirê 182 hezar welatiya komkuj û zîndî biçal kirin. Jîngeh û xwezaya xweşika welatê me wêran kirin û şûnewarên jiyanê bi yekcarî li hezaran gund û bajarokên Kurdistanê jêbirin.Li vê bîranînê de serê rêz û rûmetê li ber giyanê pakê şehîdan da ditewînin, bi rêz û rûmetê wan bi bîr tînîn, herdem bi zîndiyî li bîrdanka gelê Kurdistanê da dimînin. Silav ji bo wan û silav û rêz ji bo malbat û kesukarên wan yên serbilind ra dişînîn ku berevaniya jan û êşeke kûr ya bê veqetandî kirine û digrin. Pêwîste her çi li şiyanê da heye xizmeta zêdetir û baştir pêşkêşî kesukarên şehîdan bê kirin.”
“Em hemû pêkve kar bikîn bo ku tu careke din karesatên wiha li ser gelê Kurdistanê û li hîç cîheke din li ser mirovayetiyê da neyê”
Barzanî di berdewama peyama xwe de destnîşan kir, bîranîna şehîdan û dîroka pir bi xwîn û rondikan divê handerê tebayî û yekrêziyê bê û dû re wiha li peyama xwe zêde kir: “Em hemû pêkve kar bikîn bo ku tu careke din karesatên wiha li ser gelê Kurdistanê û li hîç cîheke din li ser mirovayetiyê da neyê.Piştî ku Dadgeha Bilinda Tawanên Iraqê enfalan bi jenosayd û tawanê dijî mirovayetî û tawana cengê nasand, dewleta Iraqê divê kesukarê qurbaniyan li rûyê maddî û ma’newî ve qerebû bike û daxwazê dikîn wê erka xwe ya yasayî û exlaqî bi cîh bike û dadwerî pêkbê. Her wiha daxwazê ji civaka navdewletî jî dikîn wan tawankariyan bi jenosayd binasênê. Divê ew tawan li programên xwendin û li hemû cîheke pêwîst da bê dokument kirin.Silav li bîranîna şehîdan, silav ji bo giyanê wan yê pak, bîranîna wan herdem bixêr.”