Li gorî daxuyaniya Ofîsa Serok Mesûd Barzanî, Serok Mesûd Barzanî li cihê xwe yê li Selahedînê pêşwaziya şanda bilind a bi serokatiya Sekreterê Giştî yê Wezareta Derve ya Qeterê Ehmed Bin Hesen El Hemed kir.
Balyozê Qeterê yê Iraqê Sultan Bin Mubarek El Kubeysî û Serkonsolosê Hewlêrê Huseyîn Bin Elî El Fezale jî di şandeyê de amade bûn.Her li vê hevdîtinê de, di derbarê pêşhatên dawî yên navçeyê û metirsiyên li ser aramî û asayîşa navçeyê de, nêrînên xwe danustandin.
Serok Barzanî balkişand li ser wê yekê ku diyalog baştirîn rê ji bo çareserkirina kêşeyên navçeyê ye û amaje bi wê yekê jî kir ku ji bilî diyalogê her nêzîkatiyek din dê bibe sedema şer û wêraniyeke mezin.Tûrîzm, aborî û pêşxistina peywendiyên baş di her warî de di navbera Herêma Kurdistanê û Qeterê ji mijarên civînê bûn.