Doh Serokê Hikûmeta Herêma Kurdistanê ligel Wezîrê gihandin a Iraqê civiya û pêşxistina pêwendiyên Herêma Kurdistanê û Hikûmeta Federal di warê gihandinê de gotûbêjkirin.
Serokê Hikûmeta Herêma Kurdistanê Mesrûr Barzanî û Wezîrê gihandin a Iraqê Erkan Şehab civiyan.
Di dîdarê de Wezîrê Veguhestin û Gihandinê yê Herêma Kurdistanê Ano Cewher û Elî Xiweylidî Serokê Civata Rêvebirinê ya Desteya Ragehandin û gihandina Iraqê amade bûn û pêşxistina pêwendiyên Herêma Kurdistanê û Hikûmeta Federal di warê gihandinê gotûbêjkirin.
Wezîrê Gihandina Iraqê amadebûna wezareta xwe bo hevkarî û hemahengiya ligel Hikûmeta Herêma Kurdistanê nîşan da, di çarçoveya pêşxistinê di warê gihandin li Iraq û Herêma Kurdistanê de. Herwiha got ku ew rêzê li taybetmendiyên Herêma Kurdistanê digırin û dixwazin, baştirîn pêwendî di navbera her du aliyan de hebe, ji ber ku bihêzbûn a Herêma Kurdistanê di berjewendiya Iraqê de ye.
Serokê Hikûmeta herêma Kurdistanê tekezî liser çareserkirina pirsgirêkên di navbera Hewlêr û Bexdayê de li ser binemaya destûrê kir, ji ber ku cîbicîkirina destûrê fakterek sereke û giring ê pêşkeftin û aramiya Iraqê ye.
ÎLKHA