Rêveberiya Teknolojiyên Agahdarî û Ragihandinê di 2ê Tebaxê de bi hinceta "Katalog li gorî sûcan tevnagere" ketina Instagramê asteng kir.
Hat diyarkirin ku şîrketa Meta ya ku Înstagram jî di nav de ye û doh saet di 21.30 de bloka ketina wê hat rakirin, hemû şert û mercên Tirkiyeyê qebûl kiriye.
Wezîr Uraloglu di weşana xwe de weha got:
“Weke Dewleta Komara Tirkiyeyê; Me di 2yê Tebaxê de ji ber polîtîkayên ku di çarçoveya sûcên katalogê de dimeşîne, ji ber ku bersiv neda daxwazên me ketina platforma medyaya civakî ya Instagramê asteng kiribû.
Di encama danûstandinên me yên bi rayedarên Instagram re, em ê ji saet 21.30 de bloka gihîştinê rakin piştî ku wan soz da ku daxwazên me bicîh bînin, nemaze di çarçoveya tawanên katalogê de, û bi hev re li ser sansura ku li ser bikarhêneran tê ferz kirin bixebitin.”
Şertên ku Meta li gorî daxwazên ji Tirkiyeyê qebûl kir ev in;
Di çarçoveya qanûnên Komara Tirkiyeyê de, naverok û nivîsên ku di nav sûcên katalogê de ne, dê tavilê bên rakirin.
Dê pabendbûna bi sîstema huqûqê ya Tirkiyê re bê misogerkirin û di egera binpêkirina qanûnê de dê destwerdana bilez û bi bandor bê kirin.
Hesab bêyî hişyariyê nayên girtin.
Maf û hesabên bikarhênerên tirk wê bên parastin.
Hesabên ku bêyî hişyariyê hatine girtin dê dîsa werin gihîştin.
Li ser Instagramê propagandaya rêxistinên terorê yên wek PKK, PYD û FETOyê nayê kirin.
Nivîsên ku qanûnên Komara Tirkiyeyê binpê dikin dê ji Instagramê bên rakirin.
Ger pirsgirêkên qanûnî çêbibin, Instagram dê bi zûtirîn dem bi rayedaran re têkilî daynin.
Di daxuyaniya ku ji teref Wezaretê ve hat dayîn de mijarên ku dê bên qebûlkirin û birêkûpêkkirin di bin sernavên wek pêkanîna qanûnî û rakirina naverokê, mafên bikarhêneran û ewlehiya hesabê, têkoşîna li dijî terorê û kontrolkirina naverokê de cih digirin.” (ÎLKHA)