Ebûbekîr îro beriya saetekê di daxuyanîyekê xwe de gotibû, birîndarekî bûyerê îro li nexweşxaneyê canê xwe ji dest daye û hejmara qurbaniyên teqîna li Silêmaniyê derketîye 15 kesan.

Bi dîtina 4 termên nû, tê îddîakirin ku termeke tenê di bin enqazê de mabe.

Rêveberiya Berevaniya Sivîl a Silêmaniyê pêştir diyar kiribû, hêj 4 kes di bin enqazê de mane lê ew nizanin ka sax in an jî mirîne.

Herwiha hat zanîn ku ji 12 birîndarên ku rakirin nexweşxaneyê 5 kes jî derketine û dermankirina 7 kesan jî berdewam dike.

Walîyê Silêmaniyê Heval Ebûbekir ragihand, piştî teqînê li bajêr rojekê şîn hat ragihandin.

Ji aliyê din ve Wezîrê Navxwe Rêber Ehmed ji bo lêkolînan li ser erkê Serokwezîr Mesrûr Barzanî çû Silêmaniyê.