Di xwepêşanên li Belarusê de zêdetirî 6 hezar kes hatin binçavkirin
Li gelek bajarên Belarusê bi deh hezaran xwepêşandêr bi îddîaya ku di hilbijartinan de hîle hatine kirin ev bû 4 roj ku li kolanan in û xwepêşan li dar dixin.
Li gelek bajarên Belarusê nexasim jî li bajarên bi navê Minsk, Brest, Mogilev û Novopolotskê di xwepêşanên ku tên lidarxistin de zêdetirî 6 hezar kesî hatin binçavkirin û 2 kes jî canê xwe ji dest dan.
Di encama hilbijartinên ku li Belarusê hatin lidarxistin de li gorî encamên ne fermî Aleksandr Lukaşenkoyê Serokomarê mewcûd ji sedî 80 deng stand û dîsa bû serokomar. Lê belê hilbijêr destnîşan dikin di hilbijartinan de hîle hatine kirin. Ji ber îddîayên kirina hîleyê ev bû 4 roj bi deh hezaran xwepêşandêr li kolanan in û xwepêşanê tertîp dikin.
ÎLKHA
Türkçe karakter kullanılmayan ve büyük harflerle yazılmış yorumlar onaylanmamaktadır.