Ebu Ubeyde doh êvarê bi dengê xwe daxuyanîyekî belav kir û di daxuyanîya xwe de derheqê berxewdana ku li hember sîyonîstên dixwazin li Xezzeyê êrîşên xwe yên bejahî berfireh bikin didin de agahîyan da.

Berdevkê Qassam Ebu Ubeyde diyar kir ku ew ji 160î zêdetir wesayîtên îşxalkeran bi temamî an jî bi qismî îmhe kirin, di nav vana de 25 wesayîtên ku di nav 48 seatên dawîn de hatine îmhekirin jî hene.

Ebu Ubeyde di axavtina xwe de weha got: “Berxwedêrên me ji binê erdê, ji ser erdê û di bin kavilan de derdikevin û zirxên îşxalkeran û tankên wan îmhe dikin.

Tankên îşxalkeran bi berxwedanekî dijwar û bi şîddet re rûbirû ne, ji ber vê yekê ew mecbûr dimînin ku vekişin û ev tişt jî rêya êrîşê mecbûr dihêle ku veguherîne. Herba ku tê kirin di nav şert û mercên wekhev de nîne, lê digel ev tiştê jî qaşo ‘qeweta herê mezîn a herêmê’ ditirse û dikeve nav dehşetê.”

Ebu Ubeyde di berdewama axavtina xwe de derheqê serfirazîya îşxalkeran de jî axivî û got ku serfirazîya wan kuştina pîrek û zarokan e.

Ebu Ubeyde destnîşan kir fedekarîya ku xelk û berxwedana Fîlîstînê nîşan dide “destpêka serfirazîyê” ye. (ÎLKHA)