Îro salvegera qetlîama ku li bajarê Amûdê hat kirin e. Berî vê 62 salan dema ku dîrok 13ê Mijdarê nîşan dida li Amûdê di salona sînemayê ya ku lê nêzî 500 zarok hatibûn civandin şewat derket. Dema ku zarokên di sînemayê de hewl dan derkevin dîtin ku derî bi ser wan de hatiye girtin ku ji ber vê yekê îzdîhamek pêk hat.

Di encama vê bûyera ku wê rojê derket de 282 zarokên Kurda bêsûc û bêguneh bi şewata agir jiyana xwe ji dest dan. Êş û elema wê rojê digel ku di ser re 62 sal derbas bûbe jî nehat jibîrkirin û birîn qemûşk negirt.

Wê demê karesatê bi dehan xalên pirsê hiştin. Ji ber ku yek ji teknîsyenên sînemayê nemiriye û lêpirsîneke cidî nehatiye vekirin, îdiayên ku şewat bi qestî hatiye pêxistin teze dihêlin.

Li gorî hinek îdiayan tilya îstixbarata Sûriyeyê ya mûxebaratê di vê komkujiyê de hebû.