Li 45 bajaran operasyona tiryakê: 320 binçavî
Wezîrê Karên Hindir Elî Yerlîkaya destnîşan kir ku li 45 bajaran operasyona Narkoçelîk-25ê hat lidarxistin, di encamê de 320 şikdar hatin binçavkirin.
Wezîr Yerlîkaya li ser hîsaba xwe ya medyaya civakî daxuyanîyek parve kir û di daxuyanîya xwe de diyar kir ku ji teref ewlehîya 45 bajaran ve; li dijî rêxistinên tiryakê, çêkerên tiryakê û firotvanên kolanan bi navê “NARKOÇELÎK-25”ê operasyon hat lidarxistin.
Di encama opersayonê de 538 kîlo tiryak, 2 milyon û 30 hezar û 500 heb kenewîra kok û koka skûnkê, 188 heb hebên tiryakê hatin bidestxistin û 320 firotvanên kolanan jî hatin qefaltin. (ÎLKHA)
Türkçe karakter kullanılmayan ve büyük harflerle yazılmış yorumlar onaylanmamaktadır.