Li gor agahîyên ku hatine bidestxistin bûyer doh di seatên serê sibehê de li gundê Tefêya navçeya Stewrêya Mêrdînê pêk hat.

Ayşe O. (27) ya ku du zarokên wê çûbûn dibistanê û mêrê wê jî çûbû nav rezan, li gorî îddîayan ji bona ku xwe germ bike êzinga kirîye nav sobeyê û ji bona ku sobe baş pêkeve benzînê kirîye nav sobeyê û di encamê de şewat pêk hatîye.

Di encama şewatê de di demeke kurt de nav malê di nav dûmanê de maye û Ayşe Ozturk du zarokên xwe yên dinê derxistîye balqonê û ji bona ku şewatê bitefîne ketîye nav malê.

Ozturk di vê demê de di nav agir de maye û ji ber jehrîbûna karbonmonoksîtê canê xwe dest da.

Gundîyên ku bûyerê hisîyan, bi lez û bez Ayşe Ozturkê derxistin derve.

Li ser xeberdayînê ji cîhê bûyerê re ekîbên tenduristî, îtfaîye û cenderme hatin sewqkirin.

Hat dîyarkirin ku Ayşe Ozturk canê xwe ji dest daye.

Cenazeya Ozturk ji bo otopsîyê ji Sazîya Tip a Edlî yê Mêrdînê re hat sewqkirin.

Derheqê bûyerê de tehqîqat hat destpêkirin. (ÎLKHA)