Li herêma La Libertad, li bakurê paytexta Perû Lima, otobuseke rêwiyan ji zinarê gindirî. Rayedaran diyar kirin ku otobus diçû herêma Chillia.

Hat ragihandin ku ji otobusa ku ji zinarekî 200 metrî ket xwarê 17 mirî û 7 birîndar hatine derxistin.

Ji ber leza zêde, şert û mercên nebaş ên rê, nebûna tabela û kontrola nebaş a rayedaran, li Peruyê pir caran qezayên trafîkê rû didin. Li gorî Wezareta Veguhastinê, li Peru di navbera Çile û Mijdara 2020, de 3,526 bûyerên trafîkê çêbûne.