Serokwezîrê Iraqê Mihemed Şîa Sûdanî di çarçoveya serdaneke fermî de gihîşt Hewlêra paytexta Herêma Kurdistanê. Sûdanî li balafirgehê ji teref Serokwezîrê Herêma Kurdistanê Mesrûr Barzanî ve hat pêşwazîkirin.

Yekemîn hevdîtina Sûdanî di vê serdanê de bi Serokê PDKê Mesûd Barzanî re li havîngeha wî ya li bajarê Selahedînê bû. Di daxuyaniyekê de ku ji aliyê Ofîsa Barzanî ve derbarê hevdîtinê de hatiye belavkirin, hatiye gotin ku her du aliyan pêşhatên sîyasî yên navçeyê nirxandin û tekezî li ser hemahengiya hevbeş ji bo derbaskirina qeyranên li seranserê welat kirin.

Her wiha di daxuyaniyê de hat ragihandin ku peywendiyên di navbera Hikûmeta Herêma Kurdistanê û Hikûmeta Federal a Iraqê de yek ji rojeva civînê bû.

Tê çaverêkirin ku civîn bibe alîkar ji bo zêdekirina diyalogê li ser mijarên ku li benda çareseriyê ne li ser xeta Bexda-Hewlêrê. (ÎLKHA)