Li gorî agahîyên ku hatine wergirtin di êrîşên hovane de bi tevahî 6 nexweşxane hatin hedefgirtin. Di çapemenîya mehelî de hat diyarkirin siyonistan di êrîşan de Nexweşxaneya Şîfayê, Nexweşxaneya Endonezyayê, Nexweşxaneya Zarokan a Nasr, Nexweşxaneya Zarokan a Rantîsî, Nexweşxaneya Zarokan a El-Avde û Nexweşxaneya Qudsê hedef girtin.

Li gorî agahîyên ku hatine wergirtin di encama êrîşên siyonsitan de bi dehan kesên ku zarok jî di nav de bûn şehîd bûn û gelek kes jî birîndar bûn.

Midûrê Nexweşxaneya Şifayê ebu seleme ku doh di hedefa terorîstan de bû derbarê rewşa dawî ya nexweşxaneyê de axivî.

Ebu selemeyê ku got ku di êrîşên dawî yên ku ji teref îşxalkeran ve hatin kirin de nexweşxane zirar dîtiye û gelek kes şehîd bû birîndar bûne, balan kişand li ser bêdengmayîna cîhanê û got: “Îşxalker bênavber nexweşxaneya ku lê birîndar û sîwîl hene bombebaran dikin, di êrîşên ku ji doh êvarî ve hatin de gelek kes şehîd bû û gelek kes jî birîndar bûn. Îro ji ber ku nexweşxane zirar dîtiye 39 bebekên ku bêoksîje man şehîd bûn. Wehşet tê kirin, em dimirin; lê belê dinya kerr û kor û lal e.”(ÎLKHA)