Partiya Doza Azad (Huda-Par) bi rê ket…

Êdî li welatê me Kurdistanê û Tirkiyê wê dengekî nû bê sehkirin.

Dengekî dilsoz, dengekî zelal, dengekî rast, dengekî bilind…

Pir hewcedarî pê hebû. Lewra li ciyekî çiqas pir dengî û pir rengî hebe, li wê derê ewqas hêsantir rastî û qencî derdikeve holê. Pirdengî şêwr û muşawere ye ku; Îslam ji bona însanan vêna weke rihekî heyatî dibîne û bala însanan bi bal pirdengîyê ve dikişîne.

Partiya Doza Azad, bi rê û rêbazeke Îslamî bi rê ket. Felsefe, îdeolojî û baweriya vê hîzbê wê Îslam be. Ji ber vê yekê hêviyên gelê me ji vê partiyê pir in. Lewra ji bona îdare, aşîtî, xizmet, ‘edalet û dilşadiyê hêviyên herî mezin, her û daîm ji kesayetên bawermend têne kirin.

Partiya Doza Azad jî, wê ji bona bicîanîna van hêviyan bixebite. Ne ji bona mal û meqamên fanî, ne ji bona bidestxistina hêzeke zordest, ne jî ji bona nav û deng…

Partiya Doza Azad wek berpirsiyariyeke Îslamî wê vî karî bike. Lewra di baweriya vê hizbê de “Mezinê qewmê xizmetkarê qewmê ye” û “Xêrtirînê însanan ew e ku; ji însanan re xizmetê dike û bi fêde ye.”

Mixabin! Heta niha ji ber ku li Kurdistanê û li Tirkiyê yekdengî hebû, pir rastî nedihatin gotin û li hember pir zilm û xerabiyan dijberî/muxalefet nedihat kirin. Zordar û xeraban xeta û zilmên xwe bi rihetî vedişartin û pir caran bi gelên ji wan hêvîdar re îxanet dikirin.

Partiya Doza Azad hem bi bername û projeyên xwe, hem jî bi dijberiya li hember zordestî û xerabiyan, wê di riya xebat û xizmetê de bimeşe.

Partiya Doza Azad, tevlî 11 îdarevanan, bi 45 damezrêneran ji Amedê dertê rê. Bername û rêznameya hizbê amade ye… Biryar hatine dayîn, rêwî bi rê dikeve…

Ji bona candarkirina gelê me bi Îslam û baweriyê,

Ji bona tesîs û temînkirina biratî û aşîtiyê,

Ji bona çareserkirina pirsgirêkên civakî,

Ji bona çareserkirina mezlûmiyet û bindestiya gelê Kurd,

Ji bona pêşvebirina gelê bindest,

Ji bona xizmet û ‘edaletê…

Partiya Doza Azad (Huda-Par) bi xêr be…

Bangaheq