Şahîn destnîşan kir ku ew ê mîtîng di seat 13.00an de li ber Şaredarîya Êlihê bê lidarxistin û bang li xelkê kir ku bila hemû evîndarên Quds û Mescîdî Eqsayê beşdarî mîtîngê bibin.

Davut Şahîn di axavtina xwe de bal li ser qirqirin û komkujîya rejîma îşxalkeran a ku ev bû 33 roj e li Xezzeyê li dar dixe kişand û got her roj ku diçe ev êrîş zêde dibin.

Serokê Bajara Êlihê yê HUDA PARê Şahîn îfade kir divê ji ev êrîşan re di dinyayê de bertekên mezin bên nîşandan û dûre weha got, “Lazim e hemû kesên ku dibêjin em însan in ji ev wehşet û qetlîaman re bertekê nîşan bidin. Di vê çarçoveyê de em wek HUDA PARê heta niha tu qet nesekinîne û daîma di sehayê de bûne û me dengê xwe bilind kirîye. Me anît ziman ku em li cem birayên xwe yên Xezzeyê ne, li cem hêz û komên berxwedanê ne û em li hember îsraîlê bertekê nîşan didin.”

“Em bang li xelkê dikin ku bila destekê bidin mîtîngê”

Şahîn diyar kir ku ew bi Serokatîya Bajara Êlihê yê HUDA PARê wê di 12ê cotmehê roja Yekşemê de li Êlihê mîtîngekî mezin tertîp bikin, “Em ê di vê mîtîngê de îsraîlê lenet bikin. Em ê bînin ziman ku em li cem komên berxwedanê û ‘Tofana Eqsayê’ ne. Di vî warê de em hemû xelkê Êlihê, terefan û welatîyan banga destekdayîna ji ev mîtîngê re dikin.”

“Divê hemû kes bertekê nîşan bidin”

Şahîn di dawîya axavtina xwe de îfade kir ku cîhê Mîtîngê li ber Camîya Yildiz a ku li Bûlwara Tûrgût Ozalê ye û di seat 13.00an de dest pê bike.

“Gerek xelkê me berîya dest pê kirina mîtîngê werin cîhê mîtîngê ku em tertîpekî çêbikin. Li gorî me lazim e ku mirovên dibêjin em ehlê wijdan in û însan in ji êrîşa melun, meşum û komkujîya îsraîlê re bertekê nîşan bidin. Ji ber vê yekê em li Êlihê dengekî mezin derxînin ku bila dengê me biçe hem micahîdên li Fîlîstînê hem jî di warê sekinandina wehşeta ku îsraîl pêk tîne de bibe destek bixebitin.” (ÎLKHA)