Tûgayên Îzzeddîn el-Qessam yê baskê leşkerî yê Tevgera Berxwedana Îslamî ya Fîlîstînê (HAMAS), şeva duşemê 11 êsîrên rejîma îşxalkeran û 6 Taylandîyan serbest berda.

Qesssam, koma êsîran a çaremîn jî li Xan Yunusê teslîm kir, lê vê carê wan êsîran ji Derîyê Sînora Refahê dernetin, ew di Derîyê Kerem Şalomê de derketin.

HAMAS, dîmenên dema serbest berdana êsîran parve kir û dîsa di dîmenan de hat dîtin ku êsîr dema ji micahîdên Qessam vediqetin destê xwe ji wan re dihêjikînin.

Hat destnîşankirin ku ew ê li hember serbest berdana van êsîran, wê 35 Fîlîstînî bên berdan û navê wan girtîyên Fîlîstînîyan jî hat parvekirin.

Rejîma îşxalker, ji serê teqasê heta niha 150 Fîlîstînîyan serbest berda. Li hember vêya jî HAMASê ji roja Înê heta niha tevahîyê wan zarok û pîrek 50 sîvîlên sîyonîstan serbest berda.

Hat dîyarkirin ku agirbest ji bo du rojan hat dirêjkirin. (ÎLKHA)