Di pêşengiya Serokatîya Navçeya Navenda Çewligê yê HUDA PARê de li ber camiya Mezina a Çewligê ji bo destekdayîna ji Xezzeyê re daxuyanîya ç.apemenîyê hat dayin.

Alîkarê Giştî yê HUDA PARê û Berdevkê partiyê Yûnûs Emîroglû beriya daxuyanîya çapemenîyê axaftinek kir û got, meseleya Xezzeye, meseleya li ser sîyasetê ye û wiha dewam kir:

“Ev mesele ne mesleyeke qewman e. Ev mesele ne tenê meseleya Fîlîstînê ye. Yanî ne meseleya Ereban e. Yanî ne meseleya partî û cemaatekê ye. Ji destê me gelek tişt tê di warê Xezzeyê de. Divê em malên ku di lîsteya boykotê de ne nekirin û nefiroşin. Zext û zorê bidin ser kesên ku di destê wan de selahiyet heyene. Divê em muheqeq îdarevanên alema Îslamê têxînin nav tevger û hereketê.”

Emîroglû herwiha îfade kir, însanîyetê derheqê wahşeta ku li Xezzeyê tê kirin de îradeyek nîşan nedaye û weha li axaftina xwe zêde kir:

“A niha li Fîlîstîn bi tevahî qirkirinek heye. Bebik, zarok, pîrek bi xwînxarî tên qetilkirin. Cîhana ku nufûsa wê 8 mîlyar e îradeyek nîşan neda ku vê wahşeta ku ev 8 meh e didome bisekinîne. A niha zêdeyî 2 mîlyar misilman hene li cîhanê gelo çima nikarin vê wehşetê bide sekinandin?”

Emîrgolû di berdewama axaftina xwe de îfade kir, divê derbarê mijara Xezzeyê de misilman bihevrebûnîyê nîşan bidinn, yan jî ew ê Xwedê ji me hesab bipirsîne.

“Ji heft salîyan heta heftê salîyan bira û xwûşkê me li Xezzeyê tên qetilkirin. Ev musîbet ji me re bes e. Gelo hejmara me hindik e ? Na. Ger du mîlyar alema Îslamê dema ku tuyê sîyonistan bike wê lehî rabe. Lê em çi dikin? vê karê hewaleyên hevdu dikin. Ev yek ne misilmantî ye.” (ÎLKHA)