Di peyema ÎTTÎHADUL ULEMAyê de weha hat îfadekirin:

“Ji Rebbê me yê ku di meha Remezanê de îmkana rojîgirtinê û nimêjan da me û bi vê şeklê me ji gunehên me paqij kir û di encamê de jî me ji rojên kêfê yanê rojên Eydê re gihandîye hemd û şikir be.

Rojên eydê nîmetên ku Xwedê dane me ne. Dema ku em eydan di vê şiûrê de derbas bikin ev jî ji bo me îbadetekî ye. Em ji Xwedayê xwe dixwazin ku bila me ji wan însanên ku ji bereket û menewîyeta meha Remezanê îstîfade kirine bike û vê eyda ku diyarîya vê meha bimbarek e ji me re bike wesîleya mexfîretê.

Em wek ummetî di van rojan de hem di nav xemgînî hem jî di nav kêfxweşîyê de ne. Li alîyekî Xezze li alîyekî dinê jî welatên Îslamê xemgîn in. Li alîyekî jî eyda ku Xwedê daye me kêfxweş in. ‘Ji wan re bibêje, (Ger ku kêfxweş bibin) bi rehmet û litfa Xwedê, erê bi vêya kêfxweş bibin.’

Em wek ÎTTÎHADUL ULEMA, Eyda we ya Remezana bimbarek pîroz dikin, daxwazîya me ev e ku bila ev Eyd ji alema Îslamê û gelê me re hizûr, kêfxweşî û zeferê bîne. Eyda we bimbarek be.” (ÎLKHA)