Li gundê tevde 74 malbat bi vî karî debara xwe dikin û salane 40 milyon şitil dihilberînin û van şitlan belavî temamê bakurê Kurdistanê dikin.

Şenîyên gund ên ku karê şandina şitlan dikin û me bi war re hevpeyvîn kir derbarê mijarê de wisa axivîn:

Taner Hazar: Em ê nêzî 5 mehên xwe bi danîn û xwedîkirina şitlan derbas dikin. Dema ku me dest bi vî karî kir dewlet ji sedî 70 ji me re bû alîkar.Em van şitlên xwe li temamê bakurê Kurdistanê belav dikin.

Once Hazar: Dewlet destek da me û me jî karê xwe pêşve bir.Dahata me ya salane baş e.

Nurcan Hazar:  9 zarokên min hene û em tev de vî karî dikin. Van rojan karê me pir zêde ye. Em bi rojî ne û carinan  em wext nabînin herin xwarina xwe ji bo fitarê amade bikin ku ji ber vê yekê em ji derve daxwaz dikin.

Muxtarê gund Cemal Hazar:  Li gund 550 kes bi karê danîna şitlan mijûl dibin. Em havînan şitlan dideynin van şitlan dişînin bajarên mîna Erzerom, Qers, Agirî, Colemêrgê û dîsa em şitlan vêcar zivistanê dideynin û van jî dişînin Diyarbekir û bajarên derdorê. Debara me baş e.