Ji bo balê bikşîne ser dersa kurdî ya ku yek ji dersên hilbijartî yên li dibistanên navîn, Serokê Navçeya Çinarê ya HUDA PARê Azîz Tekdal û heyeta pê re li navenda navçeyê esnaf ziyaret kirin.

Tekdal broşur li esnaf û welatiyan belav kir û ji millet xwest ku dersa kurdî ya bijarte hilbijêrin.

Tekdal der barê mijarê de daxuyanî da û got: “Roja dawî ya dersên hilbijartî yên dibistanên navîn 17ê Sibatê ye. Malûm ziman ayetên Xweda nin. Heqqê her milletî heye bi zimanê xwe bipeyivin, bixwînin, binivîsin û perwerdeyî bikin. Em partîya Hüdaparê ji gelê xwe dixwazin ku di dersên hilbijartî de dersa Kurdî hilbijêrin. Ji bo zarokên me bi zimanê xwe yê dayikê hînî xwendin û nivîsandinê bibin û zimanê xwe jibîr nekin. Em partîya Hüdaparê daxwaza me ew e ku kurdî bibe zimanê fermî yê 2yemîn û zimanê perwerdehiyê. Lê eger em têr nebînin jî, divê em vê îmkanê bi hilbijartina dersên bijarte yên kurdî bi kar bînin.”