Saglam di daxuyanîya xwe de bang li sazîyên navneteweyî kir û derbarê mijarê de wisa got: “Tê îddîakirin ew gundên Kurdan yên ku girêdayê navçeya Pirdeya Kerkukê ne ji teref hêzên Iraqê ve bi hincetên cuda tên valakirin û Kurd jê tên derxistin. Ji bo Kurd ji wan gundên xwe derkevin û bingeha herêmê ya demografîk bê guhartin ceyrana gundan tê qutkirin û bi hinceta ewlehîyê midaxele li gundan tê kirin ku ev yek dibe sedema dilmetirsîyê.Divê rewşa wan gundîyên ku zext û zordarî li wan tê kirin da ku ji gund derkevin ji teref sazîyên xweser ên navneteweyî ve bê lêkolînkirin. Pêwîst e fealîyetên bi vî awayî “sûcê însanetîyê” bê qebûlkirin û kesên ku vê sûcê dikin jî divê bên mahkûmkirin.”