Wezîr Yerlîkaya li ser hîsaba xwe ya medyaya civakî daxuyanîyek parve kir û di daxuyanîya xwe de derheqê operasyonên ku di nav 2 hefteyên dawîn de li 76 bajaran hatin lidarxistin agahî da.

Di operasyonên ku bi koordînasyona serdozgerîya Komarîyê û Serokatîya Mucadeleya bi Sûcên Narkotîk ên Midûrtîya Giştî yê Ewlehîyê ve hatin lidarxistin de 3 hezar û 547 ekîb, 8 hezar û 867 personel, 38 wesayîtên hewayê û 72 kuçikên narkotîkê hatin wezîfedarkirin, 2 hezar û 365 şikdar jî hatin qefaltin.

Yerlîkaya destnîşan kir di operasyonên ku li bajarên ku di nav wan de bajarên wek Enqere, Stenbol û Îzmîr jî hene hatin lidarxistin de 1 ton û 444 kîlo maddeyên hişbir û 2 milyon û 376 heb hebên tiryakê hatin bidestxistin, “Em ji tacirên jehrê re çav venakin. Em misade nakin ku pêşeroja ewladên me tarî bikin, û em ê nekin jî.” (ÎLKHA)